تــقنية الـــبروتـــين لعلاج وفــرد الشـــعر سلاحــك لشعر نــــاعـــم صحـــي وكثيـــف
ايه العلاقة بين البروتين والشعر؟؟؟؟
البروتينات تعتبر هى المكون الأساسى اللى بتحتاجه البصيلات لإنتاج الشعر لأنها تحتوى على الأحماض الأمينية الكبريتية (السيستين والسيستياين والميثيـونيـــــــن وغيرها ) وهى المسؤولة عن نمـو الشعر لانها بتتّحد مع بعضها البعض لتكوّن بروتين الشعر المعروف بالكيراتين و أثبتت الدراسات العلمية أن نقص البروتين يكون سببا فى حدوث بعض التغيرات الهرمونية بالجسم وبتكون نتيجتها حدوث تغيرات بالشعر تشمل فقدان النضارة واللمعان والتقصف والسقوط والهيشان .
ببساطة كدة البروتين بالنسبة للشعر زى الماية للجسم لانه بيؤثر بشكل مباشر على بناء خلايا الشعر ووجوده بالكمية المطلوبة يعنى شعر صحى لكن لما بتقل نسبته بيبدأ الشعر بالتساقط
طيب المفروض ازاي نحافظ على البروتين اللي موجود في شعرنا ؟
المحافظة على البروتين فى شعرنا بتعنى شعر صحى زى ما قولنا والمحافظة عليه بتم بمعادلة بسيطة جدا
تغذية سليمة + ممارسة التمارين الرياضية + استخدام التقنيات المناسبة للشعر = شعر صحى وجذاب
فالتغذية السليمة تعنى نظام غذائى متكامل ومتوازن بيضمن امداد كامل للشعر بالبروتينات المهمة اللى بيحتاجها لينمو بشكل صحى وسليم وبكدة نحافظ على الشعر من التساقط وفقدان كثافته
ممارسة التمارين الرياضية لتنشيط الدورة الدموية ودة بيعنى وصول كمية دم كبيرة لفروة الرأس محملة بالعناصر والفيتامينات اللى بيكون الشعر محتاج ليها لينمو نمو سليم
استخدام التقنيات المناسبة للشعر بتعنى اننا نرحم شعرنا شوية من كـــــــــــــــــــــــــــــــــــــــــــــــــ ــــــــل الأسباب اللى ممكن تؤدى لتلف الشعر وفقدان حيويته
طيب ايه هى الأسباب دي ؟؟؟
غسل الشعر بشكل يومى ومتكرر باستخدام الشامبو وتجفيفه باستخدام حرارة المجفف
الاستخدام اللى من غير حساب للسيشوار والمكواة
التسريح المفرط للشعر . طبعا سمعاكم كلكم بصوت واحد بتقولولى يعنى ايه انتى عايزانا ما نسرحش شعرنا لا سرحيه بس بعقل لان التسريح المفرط للشعر بيعرضه للتلف المباشر وللتقصف والتكسر وبيعرض لونه للبهتان
استخدامنا للصبغة والهاى لايت وللفرد الكيميائى من غير حساب
لو البروتين ده نسبته قلت نعمل ايه ؟
البروتين لو نسبته قلت هيكون قدامنا حل من اتنين
الحل الاول : وأهمهم التغذيه السليمه بحيث اننا نركز على انواع الاكل اللي بيكون فيها حديد وزنك بنسبه كبيره وطبعا الطريق ده افضل طريق صحي ولكن نتايجه مش بتظهر بصوره سريعه على الشعر وفي ناس مش بداوم على النوعيه الصحية من الاكل
الحل التاني : هو اننا بنبدء ندور على المستحضرات اللى بتساهم بفاعلية فى علاج الشعر والحفاظ عليه
والمنتجات دى بتبقى الكيراتين أو البروتين اللى هو محور موضوعنا حيث ان المنتجات دى بتكون محتوية على خليط من العناصر اللى بيحتاجها الشعر وبكده انتي بتعوضي الشعر عن بروتين الكيراتين اللى بيكون الشعر محتاجه علشان يكون صحى اكتر وتتمتعى بشعر ناعم وطري ومعالج من التقصف والهيشان .
اثبت وجودك و اكتب تعليقك على الموضوع
| انشر الموضوع لاصدقائك على الفيس بوك و شارك معاهم |
اشترك فى صفحتنا على الفيس بوك ليصلك كل جديد
